Home / កំសាន្ត / ជឿអត់ លោកតាម្នាក់សុខចិត្តចាប់ជាតិជាសត្វគោព្រោះតែចង់នៅជុំក្រុមគ្រួសារ?

ជឿអត់ លោកតាម្នាក់សុខចិត្តចាប់ជាតិជាសត្វគោព្រោះតែចង់នៅជុំក្រុមគ្រួសារ?

ខេត្តក្រចេះ៖ មានគ្រួសារមួយរស់នៅភូមិប័ក្ខសម្ព័ន្ធ ឃុំកញ្ជារ ស្រុកឆ្លូង ខេត្តក្រចេះ បានរស់នៅជាមួយនិងមើលថែកូនគោមួយក្បាល ប្រៀបដូចជាឳពុកបង្កើតរបស់ខ្លួន។ ក្រុមគ្រួសារ និងអ្នកភូមិ មានជំនឿថា លោកតា តុល ឃុត ដែលបានធ្វើមរណកាលកាលពីឆ្នាំមុន បានមកចាប់់កំណើតជាសត្វគោ។
លោកយាយ ខឹម ហង្ស បានឲ្យដឹងថា ស្វាមីគាត់បានស្លាប់កាលពីឆ្នាំមុនដោយរោគាពាធ។ ស្រាប់តែនៅថ្ងៃទី៧ ខែមិនា កន្លងទៅ មេគោរបស់គាត់បានកើតបានគោឈ្មោលមួយ ដោយគាត់មិនបានដឹងថាជាប្តីគាត់ចាប់ជាតិនោះទេ។ ពេលកូនគោនោះកើតបាន១០ថ្ងៃ ក៏ស្រាប់តែដើរឡើងលើផ្ទះ និងបង្ហាញអាការៈដូចកាលលោកតានៅរស់ ដូចជាទៅដេកកន្លែងរបស់គាត់ លិតរបស់របរដែលគាត់ធ្លាប់ប្រើជាដើម។

ពេលនោះ ពួកគាត់ក៏បានទៅរកគេគ្រូចូលរូប ទើបលោកតាបានប្រាប់ថា លោកតាចង់មកចាប់កំណើតនឹងកូនស្រីពៅ តែកូនពៅគេពន្យាកំណើត ហើយត្រូវដល់់ពេលចាប់ជាតិហើយ ទើបលោកតាសុខចិត្តចាប់ជាតិជាសត្វ ដើម្បីឲ្យបានរស់់ជួបជុំគ្រួសាររបស់លោកតាវិញ។ លោកតាក៏បានប្រាប់ឲ្យកូនចៅទាំងអស់ ត្រូវប្រតិបត្តិខ្លួនដូចពេលលោកតានៅជាមនុស្សចឹង​ និងមិនត្រូវលេងក្បាលគោទេ។ កូនរបស់លោកតា ក៏បានឲ្យដឹងដែរថា កូនគោដែលត្រូវជាឳពុកខ្លួននេះមិនសុវពិសារស្មៅទេ ហើយជាធម្មតាគឺមិនពិសារបាយទេ តែបើលោកកូន ហៅឲ្យពិសារ “ញោមពិសារនេះ ញោមពិសារនោះ” អ្វីក៏កូនគោនោះហូបដែរ។

សព្វថ្ងៃនេះ គ្រួសារមួយនេះទាំងអស់បានចាត់ទុក និងប្រតិបត្តិ ដោយគោរពនិងនិយាយស្តីហៅដូចកាលលោកតានៅរស់អញ្ចឹង។

នេះជាអបិយជំនឿ ដែលយើងតែងតែឮជារឿយៗ ត្រង់ថាពិត ឬមិនពិត ជឿឬមិនជឿ អាស្រ័យលើការយល់ឃើញ និងវិនិច្ឆ័យរបស់ប្រិយមិត្តរៀងៗខ្លួនចុះ៕

ប្រភព៖ ហង្សមាស

Loading...

Check Also

ល្បិចទល់មេឃភាគ១-ល្បិចទី៣-ព្រួញមួយបាញ់បានសត្វពីរ

ព្រួញមួយបាញ់បានសត្វពីរ បានន័យថា៖ ក្នុងពេលតែមួយប្រើមធ្យោបាយតែមួយ អាចផ្តួលសត្រូវឲ្យបរាជ័យចាប់ពីពីរនាក់ឡើងទៅ ឬក៏អាចទទួលផលប្រយោជន៍ចាប់ពីពីរឡើងទៅ។ ការប្រើប្រាស់ល្បិចកលនេះ មិនធម្មតាទេ ហើយក៏មិនងាយស្រួលដែរ ព្រោះថាល្បិចនេះ គឺយើងត្រូវប្រឈមមុខនិងគូរសត្រូវជាច្រើននាក់ឲ្យតែខ្វះការប្រុងប្រយ័ត្ន ឬធ្វេសប្រហែសតែបន្តិចពិតជាត្រូវជួបគ្រោះអាសន្នធំហើយ ហេតុនេះមុននិងក្រោយនៃប្រតិបត្តិការ ត្រូវការរងចាំពេលវេលា ព្យាយាម និងឪកាសសមស្រប ។ គោលគំនិតនិងសកម្មភាពរបស់មនុស្ស …